Mike Tyson para tai hari leh b jiti shae kui shae

November 17, 2024: Boxing great Mike Tyson para taila fight, kuto Jake Paul lokot deh taki shae, etu deh kotha kuri shae. Etu fight tho Friday din deh taki shae aro Tyson, unanimous decision para hari shae. Tyson, tai atha rounds kili shae hoile b eman tho bhal diki dika nai, 58 sal deh. Hoile b tai para YouTuber-turned-boxer laka against fight hari bole regrets eku nai kui shae. Fight karne josh tho bsihi high taki shae, kile koile former world heavyweight champion Tyson tho boxing ring deh wapas ahi shae, ekta professional fight karne. Main event laka build up tho professional boxing fans laka attention keh b tani shae, dunia deh. Iron Mike, X deh jai shae, taila feelings kan janai di bole. Tai para tai ring deh last time karne jabo leh eku regrets nai kui shae. “Etu tho utu nishi nah ekta situation ase, kuteh apni hari shae hoile b jiti shae,” Tyson para X deh liki shae. “Mui khali rati karne kushi deh ase. Ring deh last time karne gusi bole mui eku regrets nai”