November 21, 2024: System aro school management keh bhal kuri bo karne, Nagaland Education Project – The Lighthouse (NECTAR) kan Directors of School Education (DoSE) laka pitor deh employee verification aro authentication drive lui shae, Teachers Attendance Monitoring System (TAMS) karne. Etu TAMS tho May para August 2023 tak lui shae aro 19th para 26th October 2023 din tak ekta follow-up drive taki shae, absent taka manu karne.
Hoile b kun bah employees kan itia b verification aro authentication exercise pitor deh jabo leh baji nah ase. Enaka taka karne, DoSE laka pitor deh taka sob employees kan, kun itia b authentication process jab oleh baji nah ase, taikan sob documents lokot deh Directorate of School Education lokot report kuri bole direct kuri nah ase, 25th para 28th November 2024 din tak. Reporting tho Office hours time deh hobo leh lakeh, Directorate of School Education, Kohima laka Top Floor deh.
Etu laka upor deh, sob UGHT/GHTs, kun kan puila deh taikan laka documents submit kujri shae, email para aro verified kuri shae, taikan keh b Directorate deh report kuri bole direct kuri nah ase, taikan laka master selfir duri bo karne. Employees kan kun verification drive keh miss kuri shae, sanctioned medical/ carried leaves karne, taikan keh b report kuri bole direct kuri nah ase, authentication karne.
Employees Data Verification aro Authentication Form, kuto www.nagalandeduproject.com para download kuri bole pareh nahoileh respective school heads para jama kuri bo pareh, etu tho bhal para file kuri bole lakeh aro school, EBRC Co-ordination, DEO/SDEO laka head para verify kuri bo lakeh. Etu form tho Are Administrative Officer para countersign kuri bo lakeh aro authentication karne ani bole lakeh, etu documents kan lokot deh (Original aro photocopy b)- Aadhar Card, ID Card issued by Samagra Shiksha, Appointment Letter, All Transfer/Posting Order, Regularization Order, Latest Extension Order aro Service book page, bio-data details lokot deh.
Register kuri bo napara employees kan disciplinary action pabo pareh.
Add Comment