November 26, 2024, 06:28 PM : Nagaland laga Chief Minister – Neiphiu Rio para itu International Morung, itu Hornbill festival app, cultural troop khan nimitey Dormitory, Handloom & Craft Pavilion, Medical Booth cum Cash Vending facility laga Marketing Complex, Toyota Ki aru Tourism Department lounge inaugurate kurishey, itu 25th Edition laga Hornbill Festival commemorate kuriboley, Kisama tey, 26th November, 2024 tey.
Itu CM para itu local artisan khan, kaam kuria manu khan, aru sob manu khan kun toh hoiley involve thaki kena asey tatey kaam kuri kena din raati, itu physical structure toh complete kuriboley, tai khan sob ke naam uthai dishey tali bajai kena, itu Kisama tey hoboley laga hornbill festival laga. Tai para state kurishey ki, Hornbill Festival toh hoiley, ekta Naga festival ekla nathaka hoishey, itu toh hoiley international festival hoi jaishey, tourist khan ke attract kuri kena, itu duniya laga sob jaga khan tey para, aru tai para mention kurishey ki, koi khan logotey international partner khan asey, celebrate kuriboley itya toh, aru moi khan laga economy bhi boost kuriboley.
Add Comment