November 30, 2024: 22 sal laka mota, kun ekta Bengaluru service apartment deh taila maike keh allegedly murai di shae, taike Devanhalli osor deh duri lui shae, Friday din deh.
Accused, kun laka nam Aarav Hanoy ase, tai husa tho Kerala para ase. Tai para 20 sal laka vlogger keh murai di shae, November 23 din deh.
Medai keh kotha kura time deh, DCP Devraj, East Division para kui shae,”Murder tho char din agae hui shae, ekta Indiranagar, deh taka service apartment deh. CCTv footage para Hanoy tho murder piche deh apartment keh chara dikai shae. Mukan para Kerala aro north Karnataka deh teams kan patai di shae, taike bisari bole. Taike finally Devanahalli deh duri shae.”
Devaraj para murder tho ekta personal jamala karne olai shae kui shae. “Hanoy para murder tho advance plan kuri shae. Etu karne tai ekta jaku kini shae aro ekta online delivery platform para ekta nylon rusi kini shae,” tai para kui shae.
Add Comment