Cummings laka late bender piche deh Mohuna Bagan wapas top deh ahi shae

December 1, 2024: Mohun Bagan Super Giants para Chennaiyin FC keh 1-1 harai di shae, 2024-25 India Super League deh. Etu match tho Vivekananda Yuba Bharati Krirangan, Kolkata jaka deh taki shae, Saturday din deh. Substitute Jason Cummings para match laka khalo goal keh score kuri nah, Mariners eh wapas standings laka top deh ani bole motot kuri shae. Chennaiyan FC lokot deh gama laka first goal mari bole chances kan kun bah taki shae. 15 minute mark deh, Marina Machans para taikan laka takat chui shae. Wilmar Jordan para taila frame chui nah, long ball keh shield kuri di shae. Last ditch tackles aro disciplined backline para Mohun Bagan keh baji bo di bole motot kuri shae. First half deh tuita side b taikan laka chances keh cover nakuri nah kotom hui jai shae. Restart deh, Joe Molina laka order tho Asish Rai keh ani bole taki shae, Dippendu laka jaka deh. Hour mark laka agae deh, Petratos keh ekta yellow card diki shae, taila gusa tho dika karne. Manvir Singh b taila gusa tho rakhi bo para nai aro linesman keh b hala kuri taki shae, ekta decision karne. Referee para taike yellow card diki shae etu karne. 86th minute deh Marines kan finally ekta breakthrough pai shae. Taikan laka creative fulcrum Greg Steward para phat Jason Cummings keh pai shae, ekta bhal goal score kura jaka deh. Aro taike pass dika tho, Cummings para goal deh banai di shae. Etu tho Steward laka fourth assist taki shae, etu season karne.