Team India laka experiment backfire hui she! Rohit Sharma para impact bana bo para nai

December 1, 2024: Rohit Sharma tho paternity leave karne Border-Gavaskar Trophy series laka first Test keh miss kuri shae. Miss kura tho sob suku tho Rohit Sharma laka upor deh taki shae, tai wapas aha karne. Tai kinaka Australian conditions lokot deh adapt kuri bo kui nah manu kan bishi papna kuri taki shae. Hoile b Rohit tho Australia laka Prime Minister’s XI laka against warm up match deh batting open nakura tho manu kan surprise hui jai shae. Ekta surprising move deh, Indian team management para Rohit keh number 4 deh patai shae, hoile b Indian Captain khali 3 runs deh out hua tho experiment backfire hui shae. Pacer Charlie Anderson para ekta back-of-a-length delivery outside off bowl kuri shae aro Rohit laka koshish, kuto ball keh drive kuri bo karne taki shae, etu tho outside edge deh result hui shae. Etu ball tho aro Oliver Davies para safely duri shae.