Rajasthan’ Kota te under-construction tunnel toh giri kina ekta kam kura manu muri jaishey

Rajasthan, Kota, 1 December 2024: Rajasthan’s Kota te, Delhi-Mumbai Expressway laka ekta section te under-construction tunnel toh giri jaishey. Ekta kam kura manu muri jaishey aro alak three manu jokom hoishey etu gira time te. Etu tunnel toh Delhi-Mumbai Expressway laka part ekta ase, Sujit Shankar pra koishey, Kota Rural Superintendent of Police (SP), new agency PTI pra enika report kuri shey. Etu tunnel laka kunba part toh Ramgani Mandi laka Modak jaka te giri jaishey Saturday din rati te, enika koishey. Kam kura manu khan construction jaka te briefing nimite jama kura time te etu hatsa toh hoishey. Tadeh muri ja manu toh Shamsher Singh, 33 saal thaki shey. Police and National Highway Authority of India (NHAI) officials khan jaka te punchi shey etu hatsa hoi kina. Jokom pa manu khan ke hospital te shift kuri dishey Kota te, enika kurina mura manu laka body toh mortuary te rakhi kina ase.