Guinea, 2 December 2024: Guinea laka second sopse dangor city, N’zerekore te football match te jakara hoi kina crash hoina dozens nishina manu muri jaishey, local report pra report kuri shey.
Prime minister Mamadou Oury Bah pra koishey event te stampede hoi kina bishi manu victim hoi jaishey Sunday din te aro calm thakibo leh koishey.
Ekta doctor, kun pra nam toh kubo mon thakinai, tai pra AFP new agency khan ke koishey bodies khan line kuri kina ase local hospital te aro morgue toh full ase.
Local media pra koishey ki police khan tear gas chulai shey, visiting team, Labe laka supporters khan referee te gusa hoi kina ground te phator khan phila pichideh.
Echa tak official casualty figures toh d nai.
Referee pra ekta contested decision lwa pichideh shuru hoishey. Etu hoina fans khan pitch te invade kura shuru hoishey, ekta witness pra AFP khan ke koishey.
Social media te video aro photo pra dikhi shey kina stadium laka bhar te eman chaotic scenes thaki shey, manu bishi wall opor uthibo koshis kuri thaki shey aro mati te bishi body dikhi paishey.
BBC khan independently verify kuribo napareh etu video khan.
Regional authorities khan calm anibo leh kam kuri ase, Prime minister Bah pra koishe statement te. Aro koishey hospitals khan jokom hwa manu khan ke sai d ase.
Guinea history te etu sopse biya massacres ase stadium te hwa laka. 2009 te 156 mnau ke murai dishey troops khan stadium te opposition rally te goli mari kina.
Add Comment