December 7, 2024: Flights laka damki connection deh kom seh ko 16 cases kan register kuri nah ase. Etu cases kan tho Delhi para operate kura alak alak airlines para ahi shae. Etu cases kan tho National Investigation Agency keh transfer hobo leh chance bishi ase, official sources para Friday din deh kui shae.
Cases tho NIA keh transfer hobo leh Delhi Police para city government laka home department keh liki shae kui nah jani shae. Taikan para aro final approval karne union home ministry keh pat abo kui nah kui shae.
“Mamla tho national security pitor deh ase aro etu lokot deh international ramifications ase. Etu sob 16 cases kan Suppression of Unlawful Acts against Safety of Civil Aviation Act laka pitor deh register kuri nah ase, BNS sections lokot deh aro etu tho aro deep probe laki ase,” ekta official source para kui shae.
October laka last tuita hapta deh, 510 laka upor domestic aro international flights kan bomb laka damki kan pai shae aro etu damki kan tho misa ase kui nah jani jai shae. Enaka hua tho major operational aro financial distress ani shae, airlines karne. Damki kan bishi wak tho social media para ahi shae.
Police sources para damki laka jawab deh 16 cases akn register kuri shae kui shae. Firsty case tho October 16 din deh register kuri shae, Bengaluru-bound Akasa Air flight keh target kur ekta bomb threat pah piche deh. 180 laka upor passengers keh buka aircraft tho national capital deh wapas jab oleh laki jai shae, taikan para kui shae.
Add Comment