December 7, 2024: Ahmedabad crime branch para tuita Pradhan Mantri Arogya Yojana (PMJAY) beneficiaries laka death deh investigation kuri shae. Etu deaths kan tho bia para kura angioplasty karne hui shae. Investigation kura tho enaka nishi nah etu kuri nah aro ekso laka upor muri jai shae kui nah jani jai shae. Etu heh nahoi nah city-based Khyati Multi specialty Hospital para fraud kuri shae kui nah jani shae, PTI para report kuri shae.
Angioplasty tho ekta procedure ase, kuto para blocked nahoileh narrowed coronary arteries keh widen kuri deh, heart deh khun laka flow aro bhal kuri bo karne.
Ahmedabad crime branch para Dr. Sanjat Patolia keh arrest kura piche deh etu revelations tho ahi shae. Dr Sanjay Patolia tho ekta bariatric surgeon ase aro hospital deh ekta director ase. Medical experts kan etu deaths laka probe deh rope kuri bo, police para kui shae.
Assistant commissioner of police (ACP) Bharat Patel para 8,500 nishi nah patients kan PMJAY laka pitor deh alak alak surgeries aro treatment pai shae kui shae, private hospital deh. Etu case laka connection deh, satha manu keh arrest kuri di shae. tateh CEO Rahul Jain aro director hirag Rajput b ase. Aro tuita accused- hospital chairmn Kartik Patel aro director Rajshri Kothari keh itia b duri bole baji nah ase.
Add Comment