Miami, 7 December : European champions Real Madrid CF aru Saudi Arabia laga Al Hilal ekta group te ase, Premier League champions Manchester City Group G te ase aru Morocco laga team Wydad, UAE laga Al Ain aru Italian giants Juventus logot FIFA Club World Cup 2025 te kheltobo, USA te hobo laga notun 32-team tournament laga draw Miami, USA te Telemundo Center te kura hoi se.
Draw te Chelsea ke Group D te rakha hoise juntu Brazilian side Flamengo, Tunisia laga Esperance Sportive de Tunisie aru Mexico laga Club Leon logot kheltobo.
CF Pachuca (Mexico) aru FC Salzburg Group H te ase, aru Brazil laga SE Palmeiras Group A te rakha hoise FC Porto, Egypt laga Al Ahly FC aru Inter Miami CF logot kheltobo.
Argentina laga CA River Plate Group E te ase Japan laga Urawa Red Diamonds, Mexico laga CF Monterrey aru Italy laga FC Internazionale Milano logot. Group C te German powerhouse FC Bayern München, OFC representative Auckland City FC, Argentina laga CA Boca Juniors aru Portugal laga SL Benfica ase.
Group B te European teams Paris Saint-Germain aru Atlético de Madrid ase, aru recently Copa Libertadores jitise laga Botafogo aru USA laga Seattle Sounders FC logot group te rakha hoise. Tournament laga line-up Group F pora complete hoi se, juntu te Brazil laga Fluminense FC, Germany laga Borussia Dortmund, Korea laga Ulsan HD aru South Africa laga Mamelodi Sundowns FC ase.
Teams khan 8 group te divide kura ase, ekta-ekta group te 4 team ase aru round-robin group stage kheltobo. Group stage pora top 2 team khan knockout stage te agibo.
Opening match June 15, 2025 te Miami laga Hard Rock Stadium te hobo, aru final match July 13, 2025 te New York New Jersey laga MetLife Stadium te hobo.
Add Comment