7th Winter Carnival Cum Orchid Festival Shuru Hoishey, Peren Tey

December 10, 2024, 05:14 PM : Itu Winter Carnival cum Orchid Festival laga 7^th Edition shuru hoishey, Carnival Village, Tepuiki River, Peren tey. 9^th December, 2024 tey. Itu event toh hoiley Progressive Peren (P2) para organize kurishey aru itu toh hoiley 12^th December, 2024 tey khotom hobo, koishey.

Peren laga DC – Niazu Meru para itu event toh inaugurate kurishey, tai para tai laga address tey, khushi thaka laga express kurishey, itu united effort khan dikhi pawa laga, itu Pren town laga manu khan laga bhitor tey, kuntu nimitey tai para Peren laga ADC  aru Progressive Peren laga member khan laga naam ucha kuri dishey, itu citizen khan ke eke logotey ani diya nimitey. 

Itu event tey toh hoiley Khrienuo C Metha, Retd. Commissioner Secy. Bhi attend kurishey, tatey honoured guest hisap buhi kena.

Itu inaugural event pichetey, Hiazu Meru para carnival light khan julaishey, itu Winter Carnival laga opening toh mark kuriboley, itu Orchid Festival toh hoiley Khrienuo C Metha para inaugurate kurishey.

Alaga lag competitive event khan, ward-wise tug of war, strongman, snail eating competition aru orchid competition toh hoiley itu day one tey highlight kuria laga mark kurishey.