Hornbill Festival laka 25th Edition bhal para kotom hua karne CM Neiphiu Rio para taila kushi janai di shae

December 12, 2024: Nagaland laka Chief Minister, Neiphiu Rio para taila heartfelt congratulations janai di shae, Hornbill Festival laka 25^th Edition bhal para kotom hua karne. Etu sal tho ekta historic milestone ase, mukan etu iconic festival laka 25 years mana time deh. Hornbill Festival para mukan laka state lah reputation uthai di shae, global stage deh. Etu kuri nah state laka vibrant energy, creativity, aro youth kan laka innovation dikai di shae, international community keh.

Partner Countries aro states laka policy tho festival laka ekta multi-dimensional aspect dali di shae. Etu kuri nah collaborations, partnerships aro developmental possibilities bana bole motot kuri shae. Music Festival para boundaries kan par kuri di shae aro par kuri nah Nagaland keh ekta international music destination banai di shae. Sobse zaruri tho, mukan lah age-old traditions aro rich cultural heritage keh promote aro mana bole laka collective goal tho ase, CM para kui shae.

Rio para etu kui shae, mukan festival laka 25^th edition tho mana time deh, mukan ki challenges face kuri shae, etu acknowledge kuri bole b zaruri ase. Especially, natural calamities aro hardship laka mamla deh. Etu duk kan taki nah b, alak alak government departments kan rest nakuri nah kam kuri shae aro record time deh projects kan bishi kotom kuri shae. Etu achievements kan para Nagaland laka dangor potential tho dikai di shae. Sob government aro supporting agencies kan eki lokot deh kam kuri shae koile tho progress bishi banai kui nah.

Rio para taila nijor congratulations aro state government laka kushi b janai di shae, sob government, non government agencies, Tribal Hohos, Partner Countries, States aro sob group, agency aro manu kan keh, kun kan laka participation para festival deh meaning ani shae.

Tai para well-wishers, guest, sathi aro tourist kan keh b taila gratitude janai di shae, kun kan dur, osor para ahi shae, etu occasion tho mukan lokot deh mana bole. Taikan aha tho festival keh memorable banai di shae. Taikan aro sathi, kandan lokot deh ahi bole kui nah mukan hope kuri ase, aha sal deh.

Last deh, Rio para Hornbill Festival 25^th Edition laka success tho Naga manu kan karne ekta win ase kui shse. Nagaland laka sob manu kan etu unique festival laka ekta stakeholder ase, kuto para khali mukan laka cultural richness heh nadi kai nah, mukan manu kan laka unity b dikai deh.