Thiruvananthapuram, 12 December : Thiruvananthapuram te, International Film Festival of Kerala (IFFK) laga 29th edition Friday te shuru hobo, juntu te duniya laga alag-alag jagah pra diverse line-up films dekhibo pabo.
IFFK laga release hisab te, itu festival genres, styles aru perspectives laga ekta bhal combination ase aru film enthusiasts nimite unforgettable experience dibi. Kerala laga Chief Minister Pinarayi Vijayan festival ke inaugurate kuribo aru state Culture Minister Saji Cheriyan presidership kuribo. Noted actor Shabana Azmi ceremony laga guest of honour hobo.
Hong Kong laga noted actor-director Ann Hui ke itu saal laga IFFK Lifetime Achievement Award dibi, jun te ₹10 lakh laga cash prize aru ekta statuette ase. Inaugural ceremony piche Walter Salles laga “I’m Still Here” film ke opening screening hobo.
Festival te 68 countries pra total 177 films 15 theatres te screen kuribo, aru itu December 20 te khotom hobo. International competition section te 14 films IFFK laga top honour “Suvarna Chakoram” award, jun ₹20 lakh cash prize ase, nimite compete kuribo. Dusra awards te “Rajata Chakoram” best director aru best debut director nimite ase, aru ekta audience poll prize bhi thakibo.
Cannes Festival te Grand Prix award jeetaa Payal Kapadia (“All We Imagine as Light”) ke closing function te “Spirit of Cinema” award dibi. French cinematographer Agnes Godard international competition jury head kuribo, aru Nana Jorjadze, Marcos Loayza, Mikayel Dovlatyan, aru Assamese director Monjul Baruah dusra jury members hobo.
Festival films sections alag-alag categories te line-up kurise — “World Cinema”, “Festival Favourites”, “Country Focus”, “Retrospective”, “Female Gaze”, “Latin American Cinema”, “Homage”, “Indian Cinema”, aru “Malayalam Cinema Today”. Itu 8-day festival te 13,000 upor delegates expect kurise.
Add Comment