December 13, 2024, 05:33 PM : Itu Zunheboto District Planning and Development Board (DPDB) meeting cum Advent Christmas toh hoiley loishey, Arkha Farm Tizu Valley tey para, 13th December, 2024 tey, itu MLA & chairman, DPDB, Er. Picto Shohel aga Chairmaship under tey.
Itu programme toh hoiley cake kata laga ceremony para shuru kurishey, itu chairman para aru tai para aru utu pichetey itu board member khan ke address kurishey. Tai para member khan ke urge kurishey, responsibility laga sense thakiboley karney, itu district karney aru proposal khan loi kena ahiboley koishey, tai khan laga respective department khan para aru assure kurishey, tai laga sincere cooperation thakiboley laga, itu district laga bhal nimitey.
Itu meeting toh hoiley aru bhi itu proposal approve kurishey, grant-in-aid nimitey, Sataka laga Evergreen School ke aru itu concern thaka authority ke forward kuridishey, lagi thaka action nimitey.
Last phaney itu meeting khotom kuria laga homoi tey, Zunheboto laga Deputy Commissioner Rahul Bhanudas Mali para sob ke ekta blessed festive season thakiboley karney wish kurishey. Itu programme toh hoiley ekta grand fest logotey khotom kurishey.
Add Comment