Andhra Pradesh manu denture khai dishey tai huma time te, doctors khan lung pra olai dishey

Andhra Pradesh, 15 December 2024: Ekta hatsa te, Andhra Pradesh manu ekjun galti pra tai huma time te denture toh khai dishey, etu hoi kina tai laka lungs te phasi jaishey. Visakhapatnam laka private hospital te doctors khan echa toh successfully olai dishey dental set toh. 52 saal manu kun fixed dental chulai thaki shey bishi saal nimite. Hoileh b set yoh time par hoi kina aste aste dhila hoi jaishey aro huma time te mota pra khai dishey. Dental set toh airway te jai kina taila right lung laka middle section te phasi jaishey. Dr CH Bharat, KIMS ICON Hospital te consultant interventional pulmonologist pra bujai dishey ki etu manu eku duk panai sas lubo leh kileh maneh tai laka left lung aro right lungs laka kunba parts toh normally kam kuri thaki shey. Ki hoileh b etu foreign saman pra bishi kuribo dishey etu nimite tai medical attention toh lubo leh lagi jaishey. X-ray aro CT scan kura pichideh, doctors khan confirmed kuri shey tai laka lung te dental set thaka toh. Medical team han rigid bronchoscopy procedure karne khota kuri shey general anaesthesia under te saman toh olabo nimite. Dr Bharat pra koishey etu procedure toh lung aro airway ke injured kuribo laka risk bhui khi thaki shey hoileh b bhal pra perform kuri shey minimal complication lokot. Dental set laka duita side te b metal components loi kina, significant risk ase lungs aro airway ke injured kuribo leh saman toh ola time te, kun toh bleeding b hubo chance ase. Hoileh b fortunately procedure toh successfully hoishey, khali oral cavity osor te chutu jokom hoishey, kun toh direct treat kuri dishey, enika koishey.