Assam, December 18, 2024: December 17, Tuesday rati te. Gari ekta accident hoi kina Assam laga Cachar Disrict te, gari toh Barak Nodi te gushi kina, Ama aru tai laga bacha 1 saal maiki toh panni te dubi kina murishe koishe.
Etu murea Ama toh Helena Begum Borbhuyan ase koishe, aru tai laga bacha maiki toh Jannatara Begum ase koishe. Taikhan tai laga Muta Rais Uddin logote birai thakishe koishe. Reports khan laga hisab te, taikhan Silchar te jaishe koishe Medical check-up nimete. Aru taikhan Barakhala Mohanpur te ghor, rati wapas ahea homoi te etu jamala toh hoishe koishe.
Taikhan wapas ahea homoi te, taikhan laga gari Alto toh achanak control hari kina Nodi te gusi she koishe. Yete Rais Uddin toh Gari laga Window Bangai kina Ulabole parishe koishe. Hoilebi tai laga maiki aru bacha toh, panni laga takot para loi jaishe aru murishe koishe.
Aru Wednesday Phuzur te, Helena aru Jannatara laga body tph Barak Nodi para olaishe koishe. Yete Rais Uddin toh jokhum hoi kina, Silchar Medical College Hospital te loi jaishe koishe Treatment kuribole nimete.
Add Comment