Mizoram, December 21, 2024: Assam Rifles khan alak alak duita operation te, taikhan foreign laga cigarette aru Burmese laga tamul guti toh duribole parishe koishe, India-Myanmar Border te East Mizoram laga Champhai aru State laga sobse Southern Lawngtlai District te para. Aru etu durea laga saman khan sob milai kina Rs 8 Crore nishina ase koishe.
Yete December 18 din te, taikhan dimak chulai kina, Mizoram Police laga modot loi kina taikhan, 600 Cases Foreign laga Cigarette durishe, Myanmar laga Lawngtlai District laga Cherhlun para.
Aru etu Cigarette khan toh Rs 7.8 Crore laga dam ase koishe, etu khan sob Thingsai Bosti laga State Police khan laga haat te didishe koishe.
Aru eki din December 18 te, alak operation te, Assam Rifles khan Customs Officials khan logote milikina 4,400 kg Burmese laga Tamul Guti durishe koishe, Champhai District laga Hmuhmeltha para, aru etu guti khan toh Rs 30.8 lakh laga daam ase koishe. Etu khan bi Champhai laga Customs Preventive Force khan laga haat te didishe koishe.
Add Comment