Reel pra real moment thaki shey, Nagpur cops pra smuggler dhuri shey Pushpa 2 laka screening time te

Nagpur, 22 December 2024: Movie sabo ja manu khan late-night screening te blockbuster Pushpa2 : The Rule laka te, Nagpur te, taikhan real-life action scene dikhibo paishey, kicha police khan multiplex te gusi jaishey aro notorious ganster ke dhuri shey kun ke murder aro drugs trafficking nimite wanted thaki shey. Vishal Meshram, 10 month karne fugitive thaka aro 27 case taila against te, tadeh duita murder aro ekta police lokot jakara kura history, taike dhuri shey theatre bitor film laka climax time te Thursday din te, news agency PTI pra report kuri shey. Authorities kun khan Meshram laka movements toh track kuri thaki shey via cyber surveillance pra aro tai laka nutun SUV ke, gari laka tyre pra hawa olai dishey cinema hall laka bahar te, tai napulabo nimite. Police khan etu hoina theatre te gusi shey aro jaldi gangster ke dhuri dishey kun film mon di kina sai thaki shey, taike chance b dinai resist kuribo leh. Etu dramatic arrest toh midnight par hoi kina olop deri hoina hoishey, etu pra audience khan ke stunned aro unharm chari dishey. Meshram echa Nagpur Central Jail te lodge kuri kina ase aro joldi Nashik te prison te transfer kuri dibo, PTI laka hisap pra. Pushpa 2: The Rule toh Telugu-language action film ase, Allu Arjun starring kuri kina, aro December 5 te release hoishey aro box office hit ase, Rs 1029.90 crore net kamai shey 17 din te. Moive toh sopse highest-grossing Hindi film ase of all time aro sai ase highest-grossing Indian film globally hubo leh, etu nimite taikhan  Rs 2000 crore worldwide kamabo lageh. Taikhan already Rs 1500 crore-mark gross par kuri shey globally.