Tripura te NCERT syllabus

AGARTALA | November 30, 2018: Chief Minister Biplab Deb pora ekta meeting loishe    state laga schools khan te  next Educational Year pora  NCERT Syllabus shuru kuribole nimete .Etu meeting toh conference hall no-1 civil secretariat te loishe .Etu meeting te  Director of Education koishe   NCERT experts khan  primary level teachers khan ke  preliminary training dibo aro  200 teachers Madhyamik level pora dibo.Aro Director koishe  ki  etu training programme primary level teachers khan nimete  December 3 pora shuru kurikena  6 tak lobo aro  Madhyamik level khan toh  January moina laga akhe haafta phaleh lobo. Director of School Education, U.K Chakma koishe text books khan laga supply order toh Ncert ke dishe  English medium nimete .Etu bi Class 1pora VIII tak aro NCERT laga textbook translation class I pora VIII tak  Bengali Medium Schools nimete khotom kurishe  .Meeting te CM Biplab Deb pora koishe ki schools khan ke ekta proper time chulabi student khan nimete  aro time dibi student khan ke  alag alag khel aro cultural activities khan te  bhaagh lobole karne  .Aro tai koishe   schools khan ke sapha thakibi .Meeting aro bi manishe ki etu training programme huwa pichede etu trained teachers khan pora 40,000 teachers primary level aro Madhyamik level te training dibo  .Etu training khotom kuribole karne  15 of March, 2019 darek dikena ase .