Hollywood, January 03 : Nutun saal aha logotey, nutum film khan laga ekta nutun list bi ahisey. 2025 te bisi sabole rukhi thaka film khan theatre te ahibole thaka dikhi asey. Aro Internet Movie Database (IMDb) para etu use kora manu khan laga interest hisap te, etu sob film majotey sobsey bisi intazar thaka film kuntu asey etu laga ekta list banaisey. Aro Marvel, Jurassic Park aro Tom Cruise khan sob bi etu saal dangor film logotey ahibole asey. Hoilebi ekta title para taikhan sob ke haraidisey. Aro etu tu ‘Superman’ movie asey. Kuntu ke James Gunn para reboot(aro nutun para kahani khan bodli kurikina start kora) laga asey. Aro etu tu James Gunn laga nutun DC Universe laga ekta jaruri hisa asey. Etu film tu popular comic book superhero laga fourth cinema adaptation asey. Etu film laga main hero tu David Corenswet hobole asey. Etu film tu theatre te July te release hobole asey.
Release hobole thaka Superman movie te star power komti thaka laga bawajut bi, etu film para etu saal laga kunba dangor film khan ke haraidibole parisey. Etu laga karon tu superhero(superman) nijor laga popularity asey. Second te Danny Boyle laga zombie horror movie ‘28 Years Later’ asey. Aro etu picheyte third te ‘The Fantastic Four : First Steps’ asey.
Add Comment