9TH January 2025 te, Pungro Village laga Public Ground te, 16th Saramati Soccer Championship 2025 inaugurate kurisey. Kuntu laga theme tu “Victory through Teamwork” asey.
Etu program ke Saramati Nexus Club para Department of Youth Resources & Sports logotey milikina organize kurisiley. Etu event te, Advisor for Fire & Emergency Services, Home Guard & Civil Defence, S. Kiusumew Yimchunger ke special guest laga roop te dikhisey.
S. Kiusumew Yimchunger para speech diya homoitey youth khan majotey unity(milikina thaka) aro discipline promote kuribole sports kiman jaruri asey etu janaisey.
Etu tournament te, pura rajya para team khan compete kuri asey. Kuntu tu, football talent dikhabole nimitey aro community spirit ke encourage kuribole nimitey ekta jaga asey. Etu event te ahibole din te bisi shandaar match khan hobole asey.
Etu programme ke Dolen C, Secretary, Saramati Nexus Club Pungro para cholaisey.
Add Comment