New Delhi, 9 January : Critically acclaimed film All We Imagine As Light laga award-winning director Payal Kapadia etiya headlines te ase. Film release pra, Payal bahut awards jiti loise. Recent te, etu film 82nd Golden Globes Awards nimite nominate hoise, kintu title jiti naparle. Golden Globes te award napai thaka din tepra, Payal ekta prestigious award jiti loise aru aru ekta acclaimed award nimite nominate hoise.
All We Imagine As Light aro ekta dangor recognition pai loise, New York Film Critics Circle Awards te Best International Feature award jiti. RRR laga director SS Rajamouli pisot, Payal Kapadia bhi etu prestigious award jiti loise. Event te director laga ekta photo social media te bisi viral hoise. Golden Globes te, Emilia Perez laga critics’ favourite film ke haraise, kintu Payal laga film bahut praise paise.
Film laga magic bahar desh te bhi dekha jase. Etia Directors Guild of America (DGA) Awards laga 2025 nomination list announce kurise, aru Payal Kapadia ke director category nimite nominate kurise. Eitu news Golden Globes te Best Director Motion Picture category jiti napara pisot ahi ase. Payal etu category te Megan Park (My Old Ass), Ramel Ross (Nickel Boys), Halfdan Ullman Tandel (Armand), aru Sean Wang (Diddy) logot compete kuribo.
Recent te BAFTA laga longlist release hoise, aru All We Imagine As Light film ke tinita category te include kurise: Best Director, Film Not in English, aru Best Original Screenplay. Eitu nominations Payal Kapadia laga film aru talent ke international level te aro recognition di ase.
Add Comment