January 12, 2025: Israeli Prime Minister Benjamin Netanyahu para Qatar deh hua ceasefire negotiations deh Mossad foreign intelligence agency laka chief keh pata bole acha kuri shae, Gaza deh hua war deh kotha kan tho agae jai ase kui nah dika bole.
Netanyahu laka office para etu decision tho Saturday din deh announce kuri shae. David Barnea tho kitia Qatar laka capital Doha deh jabo, etu tho sure nahoi itia b. Tai jah maneh, high level Israeli officials kun kan agreement deh sign off kuri bole lakeh, taikan itia involved ase.
War laka 15 mohina deh khali ekta ceasefire heh ani bole pari shae aro utu tho jakara first hua time deh hui shae. Kotha, kuto United States, Egypt aro Qatar para mediate kuri shae, etu tho stall kuri nah ahi ase, itia tak.
Netanyahu tho Gaza deh Hamas laka jakara kura laka takat tho bangai dibo kui nah kotha kuri nah ahi ase. Alak side deh Hamas kan tho ekta full Israeli troop withdrawal hobo leh hudi ase. Thursday din deh Gaza laka Health Ministry para war deh 46,000 laka upor Palestinians kan keh murai di shae kui shae.
Add Comment