Assam, January 24, 2025: Yete Earthquake 4.8 magnitude laga toh ahishe koishe Richter Scale laga hisab te, Myanmar te ahishe koishe. Aru yete Assam laga sob jaga te taikhan bi hilea toh jani bole parishe.
Etu earthquake toh mati bitor te 106 kilometres nishina te hoishe koishe, yete epicentre toh latitude 24.68 Degree North aru Longitude toh 94.87 Degree East te ase koishe.
Assam te thakhea manu khan olop diri homoi karne hilishe koishe, yete ghor te thakhea manu khan ke bhui khai kina bahar ulaishe koishe.
Local Authorities khan laga khobor hisab te, kun kebi jokhum toh hoa nai aru ghor khan bi eku bia hoa nai koishe.
Aru manu khan ke enika homoi te nijor sabole tarika khan koishe, komzor saman laga osor te nathakhibi aru emergency saman khan tayar kuri kina thakhibi koishe.
Add Comment