Agartala, January 31, 2025: Yete dangor ekta operation te, Police khan para komti hoilebi 40 thousand Ganja laga ghas toh bia kuri dishe koishe Bosti kunba te ,Sonamura laga jaga Kalachaura Police Station laga bitor te. Yete taikhan khobor pai kina Police laga Team aru TSR OC Kalamchaura Police Station De aru yete 40 TSR Janwans nishina, 20 BSF Janwans (49 Battalion laga) aru yete duita maiki police cinstable khan mili kina ganja laga ghas khan toh bia kuri dishe koishe, yete taikhan para South Kalamchaura, Hatakiamura, Haserdang aru Baidar Tung Bosti aru chutu jaga bitor khan te kurishe koishe.
Etu homoi te taikhan 40 thousand nishina bia kurea te, kunba toh phul ula ase koishe, aru yete taikhan para 30 acres mati jaga nishina laga toh bia kuri dishe koishe.
Aru yete Gahuri palea laga malik Prabir Roy bi ahishe koishe, yete tai ara etu operation toh rukhabole khushish kurishe koishe, yete bishi maiki khan bi kandishe koishe, yete Security aru Officers khan ke rukhabole. Aru security khan para bi bishi morom lagishe koishe, hoilebi taikhan Government laga order loi kina etu Policy (Addiction Free) toh kuribole karne, taikhan ke modot kuribole napare hoishe koishe. Aru koishe ki, etu Ganja khan toh Guti duribole thakhishe koishe, aru yete bia kuri dea toh, ghas palea manu khan ke bishi mun jokhum kurishe koishe.
Add Comment