New Delhi, February 02: Intazar tu akhir khotom hoisey! 67th Annual Grammy Awards tu etu Sunday(Indian timing hisap te Monday) te hobole asey. Etu award show tu California te dangor jui lagiya picheyte hobole thaka nimitey, etu saal laga ceremony tu olop alag hobole asey. Etu saal Los Angeles laga barbadi anidiya jui te ghor aro thakibole jaga haraidiya manu khan ke honour kuribole te focus kuribole asey. AP laga hisap te Recording Academy para taikhan laga event ke jui laga shikar huwa manu khan nimitey poisa jama kuribole karney re-structure kurisey. Comedian Trevor Noah tu aro etu saal bi Grammy host kuribole asey. Tai etu event host kora lagatar 5th bar hobole asey.
2025 GRAMMY awards tu India te Monday, February 3 te Disney+ Hotstar te 6:30 am para 10:00 am taak live stream hobole asey. Etu awards ceremony tu Los Angeles laga Crypto.com Arena te hobole asey. Etu event para music te 12 category aro 94 fields te shandar achievement hasil kora tu celebrate kuribole asey.
2025 GRAMMYs te Beyonce tu 11 nomination paikina lead kuriasey. Tailaga career te tai 32 Grammys jitikina asey. Jaija saal laga Grammys khan te 99 bar nominate huwa picheyte, etu saal laga Grammys tu tai nimitey tu ekdam jaruri asey. Tai etu bar Album of the Year title jitisey koiley tai 21st century te etu naam kama first Black(African origin laga) maiki hoijabo.
Beyonce picheyte, Post Malone, Billie Eilish, Kendrick Lamar aro Charlie XCX tu 7ta-7ta nomination paikina asey. Taylor Swift, Sabrina Carpenter aro Chappell Roan tu 6ta-6ta nomination paikina asey. Etu saal Sabrina Carpenter para tailaga first GRAMMY nomination paisey.
Add Comment