Nagpur, 4 February : Varun Chakravarthy, jun T20I series te English batters khan ke pura ulta-fulta banai dise aru 5 matches te 14 wickets loi dise, juntu te ekta five-wicket haul bhi thakise, tai ke upcoming 3-match ODI series te England opposite India laga ODI squad te add kuri dise, HT laga information hisab te.
Tai laga inclusion te India laga total spinners laga number paanch hobo – Kuldeep Yadav, Washington Sundar, Axar Patel aru Ravindra Jadeja already squad te thakise. National selectors khan laga Champions Trophy squad finalize kuribole upcoming series te tak jabo time ase.
Chakravarthy laga performance selectors khan closely observe kuribo, karon England laga bohot batters tai laga mystery spin ke samajhibo no parise. Jodi tai T20 cricket te sobse bhal khelibo jane, piche te Vijay Hazare ODI Trophy te Tamil Nadu nimite bhi productive spells deliver kurise. Chakravarthy India nimite 18 T20I khelise, kintu tai laga ODI debut abhi bhi baki ase.
Nagpur te Tuesday din team laga fielding drills te Chakravarthy participate kurise, aru piche te Virat Kohli aru Shubman Gill opposite tai apna bowling practice kurise.
Champions Trophy nimite Chakravarthy ke include kora ekdom easy no hobo, karon India batting depth ke maintain kuribole try kuribo. Jadeja, Axar aru Washington lower middle-order te batting capability rakhe. Kuldeep Yadav bhi batting te contribute kuribole jane, kintu Chakravarthy ekdom old-fashioned tailender ase.
Final bowling attack laga decision Jasprit Bumrah laga fitness te bhi depend kuribo. Jodi Bumrah laga back troubles ke timely recover kuribo no pare, Harshit Rana, jun ODI series squad te ase, ekta strong contender hobo.
Add Comment