Assam, 4 February : Assam laga Chief Minister Himanta Biswa Sarma New Delhi te Union Minister for Road Transport and Highways Nitin Gadkari logot logpai, state laga highway projects review kurise. Itu meeting ongoing developments aru future plans, juntu road infrastructure improve kuribo, uporte focus kurise.
Itu meeting Advantage Assam 2.0 summit laga age te hoi se, jun summit te Nitin Gadkari Assam laga India aru ASEAN nations majote connectivity improve kuribo laga role uporte kotha kuribo expect ase.
Chief Minister Sarma emphasize kurise ki Assam Rs. 1 lakh crore invest kuribo laga plan rakhi ase ekta modern road network banai jabole. Itu investment internal infrastructure boost kuribo, economic development support kuribo, aru Assam ke South aru Southeast Asia te ekta key trade aru transit hub banai jabole target kurise. Business opportunities aru regional integration strong banai jabole improved connectivity khub important hoi jabo.
CM Sarma meeting laga details social media te share kuri dise aru Assam laga world-class roads develop kuribo laga efforts reaffirm kurise. Tai itu summit te Gadkari central government laga Assam infrastructure karone vision outline kuribo itu bhi mention kurise.
Gadkari logot meeting karone alawe, CM Sarma Prime Minister Narendra Modi aru Union Ministers logot bhi kotha kurise. Finance Minister Nirmala Sitharaman confirm kurise ki summit laga valedictory session te tai bhi part lobo, juntu Centre laga Assam laga development initiatives uporte support dikhai dise.
Chief Minister Dr. Himanta Biswa Sarma Prime Minister Narendra Modi aru Cabinet colleagues logot Advantage Assam 2.0 Summit karone aji logpai dise.
Add Comment