Itanagar, 4 February : Arunachal Pradesh Trade and Commerce Department, Tea Board of India aru Tea Research Association milaikena East Siang district laga Oyan te ekta char-din laga training program organize kurise “Quality Upgradation of Tea and Its Processing” uporte. Itu program Mirem, Oyan aru nearby areas laga farmers aru Donyi Polo Tea Estate laga workers ke benefit kurise.
Itu initiative laga aim ase ki farmers ke essential knowledge aru skills provide kuribo, tea laga quality aru processing techniques improve kuribole. Tea Research Association laga Arunachal Advisory Centre pra experts aru Tea Board laga officers khan training conduct kurise, aru local farmers pra expectations te beshi participation dikhaise.
Program laga last din field te ekta hands-on practical session rakha hoise, aru piche te certificate distribution ceremony te participants ke training complete kuribole certificates distribute kurise, ekta official statement hesab te.
Add Comment