Manipur, February 5, 2025: February 4,din te Manipur Police khan para operations khan kurishe koishe Imphal aru Bishnupur District te, Yete taikhan banned kurea laga charta Militants group ke arrest kurishe koishe.
Duita toh Kangleipak Communist Party- Progressive Wing Group (KCP- PWG) ase koishe, aru tai khan toh Ningthoujam Jupiter Singh ase, aru tai toh 27 saal ase koishe. Aru alak toh Sorokhaibam Amarjit Singh ase, aru tai toh 28 saal ase koishe. Tai dujun ke Imphal East laga Mahabali bitor Porompat- PS para arrest kurishe koishe.
Etu duita toh general public manu, Government officials aru Dukan malik khan ke damki di kina poisa khan magi thakhishe koishe.
Taikhan laga haat para ekta M20 Pistol aru oasta guli load kuri kina paishe koishe, scooty ekta, chutu bag aru duita mobile phones.
Aru alak operation, Security khan para ekta United National Liberation Frony (UNLF) Group ke arrest kurishe koishe, tai toh Imphal jaga laga manu aru Government offices khan te damki dikina poisa mangea nimete.
Etu manu toh Lourembam Manu Singh ase koishe, tai toh 46 saal ase koishe, taike Imphal West laga Takyel Kolom Leikai bitor Lamphel-PS para arrest kurishe koishe.
Tai laga haat para ekta mobile handset, ekta bike aru ekta wallet te Aadhaar Card aru Poisa Rs 4,270 paishe koishe.
Aru Third Operation te, PLA Cadre ke arrest kurishe koishe, tai toh Pukhrambam Prem Singh ase koishe, aru tai toh 47 saal ase koishe, tai toh Bishnupur District laga Ningthoukhong ITI rasta Ward No 13 Ningthoukhong te thakhea manu ase koishe.
ait oh Bishnupur aru Ningthoukhong jaga te thakhea manu, Business manu aru Government Officials khan ke damki dikina poisa mangi thakhishe koishe. Tai laga haat para 3da Mobile phones, wallet te PAN aru Aadhaar Cards khan paishe koishe.
Aru Security khan State laga Hill aru Valley Districts khan te operations aru bisarea laga tarika khan kurea ase, Sunsan thakhibole nimete.
Add Comment