Amritsar, 5 February 2025: Ekta US military plane 104 illegal Indian immigrants khan ke bhukhi thaka, tadeh 13 bacha milai kina, land hoishey Amritsar te Wednesday din te, President Donald Trump laka crackdown hwa time te undocumented aliens opor te America te.
Etu first time te ki Indian illegal immigrants khan ke deport kuri shey US pra massive crackdown laka hisa hoi kina kun toh Trump pra launch kuri shey taila first din office te January 20 te. C-17 US military airfract, kun toh San Antonio, Texas pra olai shey, Sri Guru Ram Dass Jee International Airport te land hoishey 1:59pm te. Police aro civil administration officials khan thaki shey 104 manu ke receive kuribo leh, tadeh 79 mota aro 25 maiki thaki shey.
US Embassy pra representative b airport te thaki shey. 104 illegal immigrants pra, 33 toh Haryana aro Gujarat pra ase, 30 Punjab pra, 3 toh Maharashtra aro Uttar Pradesh pra, aro duita toh Chandigarh pra.
Sources hisap pra, bishi wala deported manu toh US-Mexico border te dhuri shey. Deportees khan toh India te offenders khan nahoi, taikhan legal route chulai shey country ke charibo leh, hoileh US te gusibo leh illegal ‘donkey’ route chulai shey, taikhan koishey. Arrest kuribo leh b rasta nai kileh maneh taikhan Indian laws toh violate kura nai.
Add Comment