Mumbai, February 05: 2024 te, Riteish Deshmukh para tai para direct kora second Marathi film, ‘Raja Shivaji’ announce kurisiley, tailaga first direct kora film ‘Ved’ success huwa picheyte. Etu film tu duita bhasa, Marathi aro Hindi te release hobole asey.
Etu film laga set te kaam kora ekjun manu para janaisey ki etu film laga shooting tu already Mumbai te suru hoijaisey. Interesting kotha tu, Sanjay Dutt, Fardeen Khan aro Abhishek Bachchan tu Mughal khan laga role kuribole asey. Aro Riteish Deshmukh tu Chhatrapati Shivaji Maharaj laga role kuribole asey.
Juwa saal laga Shivaji Jayanti te Riteish para etu film officially announce kurikina Twitter te etu film laga poster share kurikina enaka likhisiley, “Chhatrapati Shivaji tu ekta naam ekla nohoi hoilebi ekta emotion asey. Tailaga birth anniversary laga dangor occasion te, ami apni khan logotey prithivi laga dangor chokra ke somman dibole join kuri asey. Tailaga dangor kaam para amikhan ke bisi generation taak inspire kuribole continue kuribo koikina prathana kuri asey. Amikhan para amikhan laga nutun journey suru kuribole ageyte apni laga asirvad mangi asey. Jai Shivrai!!”
‘Raja Shivaji’ film tu Riteish Deshmukh para direct kuribole asey aro Jyoti Deshpande aro Genelia Deshmukh para produce kuribole asey.
Add Comment