Los Angeles, February 05: Kanye West para Los Angeles te hywa Grammys te tailaga maiki Bianca Censori laga shocking red carpet appearance laga bari te kotha koisey, kotey Bianca para transparent net kapra pindikina lengta body dikhaisey.
TMZ ke Tuesday din te kotha kurikina, Kanye para boast kurikina koisey ki tai aro Censori para Grammys ke “haraidisey”.
Kanye West laga 30 years old maiki Bianca Censori tu red carpet te ekta pura-puri transparent thaka kapra pindikina beraisey.
Knaye para ekjun TMZ cameraman ke enaka koisey, “Amikhan ke hudibi Grammys ke haraikina kinaka lagi asey.”
Kanye para taikey duibar huda question laga jawab te enaka koisey, “Amikhan para Grammys ke haraidisey.” Tailaga jawab tu enaka homoitey ahisey jitya Tokyo sources para claim kurisey ki Kanye West tu tailaga maiki laga etu stunt nimitey Japan te perform kuribole nimitey paithaka $20 million laga contract tu haraidisey.
Tailaga maiki laga kapra ke loikina hunagama huwa picheyte, Kanye para phutani para koisey ki taikhan laga etu stunt tu viral hoijaisey. Aro koisey ki utu rati nimitey “Bianca” tu Google te top trending search thakisey.
Google Metrics hisap te, Bianca Censori laga kapra te manu khan para 5 million opor search kurikina thakisey. Etu tu Grammy te jita manu khan laga bari te search kora para bi bisi thakisey.
Etu laga bawajut bi, Kanye aro Bianca ke ahibole thaka red carpet event khan te ahibole nidibole laga demand tu bisi barisey.
Knaye West tu May te Japan laga Tokyo Dome te duita performance dibole thakisey. Hoilebi Kanye aro tailaga maiki laga etu stunt picheyte, tailaga investor khan tu bhoi khai jaisey.
Ekta insider para koisey ki Japan tu maiki khan laga rights ke loikina ekta cultural awakening experience kuri asey aro tatey MeToo movement bi bisi strong hoikina asey. Kanye para ki kurisey etu tu joborjosti kunba ke control kuribole kosis kora nisna dikhi asey kuntu tu ekdam swikar kuribole napara laga asey. Tai para Japan ke culturally ekdam galat bhabna kurisey.”
Add Comment