NEW DELHI:
Chennai Marina Beach te protest nohubo. Supreme Court Monday te Madras High Court ke support kori kena koishe. Top court para farmer group leader, P Ayyakannu laga appeal high court order against te dismiss korishe. Supreme court koishe Marina Beach toh tourist jaga ase. Beach te protest hubo dile law aro order laga problem ulabo.
Tamil Nadu government Marina Beach te protest mana korishe. Bishi protests laga incidents ula nimite, etu jaga toh law aro order laga biya-supona(nightware) ekta hoi jaishe.
Madras High Court September te Tamil Nadu government beach te protest mana kora decision toh support korishe.
April te huwa Marina beach laga protest toh control para bahar hoishe. Etu protest toh Cauvery dispute para April te ulaish. January 2017 te bhi, 30,000 pro-Jallikattu protesters Marina beach te juma hoishe. Etu protest toh ek hafta opor cholishe. Etu protest toh Jallikattu jaga laga bull-taming sport ban lift koribo laga demand para olaishe. Kitiya police khan protestors khan ke hatabole korishe situation ekdam violent hoishe.
Chennai Corporation November 24 2018 te declare korishe ke beach laga major area toh no-vending zone hubo. Egarota(eleven) vending jaga beach te banaishile. Etu shop owers khan ke dukan toh beach para hatabole koishe.
Add Comment