Madrid, 6 February : Former Real Madrid aru Brazil laga defender Marcelo officially 36 years te football para retire announce kuri dise.
Marcelo Real Madrid karone 2007 pora 2022 tak khelise aru Spanish club para tai 25 trophies aru bohut bhal naam loise. Tai laga achievements majot ase paanch Champions League titles, chho La Liga championships, duta Copa del Rey trophies, paanch Spanish Super Cups, char FIFA Club World Cups, aru tinta UEFA Super Cups.
2022 te, Marcelo Real Madrid ke 14th Champions League victory te captain kuri lead kuri thakise, Liverpool ke final te 1-0 para harai dise. Tai laga attacking flair, skillful dribbling, aru leadership karone Santiago Bernabeu te fans laga favorite hoise, juntu club karone 546 matches khelise.
Marcelo laga international career bhi bhal naam hoise. Brazil karone 58 bar represent kuri thakise, aru 2013 FIFA Confederations Cup jitise. Tai 2012 Olympic Games te ekta silver medal aru 2008 Olympic Games te ekta bronze medal bhi jitise.
Real Madrid chhari loar piche 2022 te, Marcelo Olympiacos (Greece) karone short time khelise, aru tai laga career start kuri thakise Fluminense club te fairy-tale return marise. Itu homecoming dangor success hoise, aru tai Fluminense ke 2023 Copa Libertadores, South America laga biggest club trophy jitibo te madad kuri dise.
Kintu, Rio-based club Fluminense laga second stint November 2024 te khotom hoise, ekta match (Gremio laga against) te head coach Mano Menezes logot heated argument hoi loar piche. Club logot discussion piche Marcelo aru Fluminense mutual consent te separate kuri dise, aru tai laga playing career officially khotom hoise.
Add Comment