India, 6 February : Badminton World Federation (BWF) laga aim nishina, naya audience ke attract kora aru matches ke short banabo karone, ekta naya 3×15 scoring system trial launch kuri thakise April para, selected competitions te at least chhoi months karone.
Ita format te 21-point best-of-three-game matches (3×21) use kura hobo, kintu itu naya system, juntu Alternative Laws of Badminton part already ase, BWF Council November te Kuala Lumpur meeting te endorse kuri dise. Itu system International Challenge, International Series aru Future Series competitions majot (Grade 3 tournaments) trial hobo.
BWF laga statement hisab te, 3×15 system matches ke short banai dibo, scheduling ke better banabo, fans laga interest maintain kuri rakhibo, aru players laga health aru career longevity ke bhi support kuri dibo.
Trial period majot, BWF key stakeholders ke survey kuri bo, majot Members, Athletes’ Commissions (players), technical officials, aru commercial partners include hobo. Itu findings testing period laga end te compile hobo.
BWF past te bhi scoring systems experiment kuri thakise, aru itu karone scoring system evolve hoi loise, starting from 15×3, 7×5 aru 21×3.
Original scoring system te matches best-of-three format te khelise – 15 points men aru all doubles fixtures karone, aru 11 points women karone, juntu te sirf serve kuri thaka player point jite thakise.
2002 te, 7×5 scoring system briefly introduce kora hoi, aru 2006 te rally point system – 21×3 – implement kora dise. 2014 te bhi 11×5 scoring system experimental basis te launch kora hoi, kintu 2021 te 82nd BWF AGM te proposal vote pass nokuri thakile, itu system implement nokora hobo.
Add Comment