February 07, 2025, 06:46 PM: Ekta Air Quality Monitoring Committee (AQMC) laga meeting loishey, 29th November 2024 tey, E. Mhonbemo Patton, Principal Secretary, Environment, Forest & Climate Change, Nagaland para chair kuri kena. Itu meeting toh hoiley sapha hawa maintain kuriboley laga emphasize kurishey, itu hoiley ekta responsibility asey koi kena sob manu khan laga aru educate kuriboley aru awareness banaboley sob manu khan kem itu toh zaroori asey koi kena. Itu toh hoiley decide kurishey, itu meeting tey ki, Nagaland Pollution Control Board toh hoiley hapta laga hawa laga quality laga date toh provide kuribo koi kena, sob media laga platform khan tey publish kuriboley karney, ekta aru bhi dangor awareness generation nimitey.
Itu meeting tey chair kuri kena – EF&CC laga Department laga Principle Secretary – E. Mhonberno Patton para itu jama kuri kena thaka Officer khan ke welcome kurishey.
Itu Member Secretary, Nagaland Pollution Control Board, K. Hukato Chishi para itu officer khan ke kahta para National Clean Air Programme (NCAP) aru itu laga objective khan opor tey samjhaishey. Itu Member Secretary para mention kurishey ki, 14 department khan NCAP chulai jawa tey involve thakishey aru duita district khan, Nagaland tey, “non- attainment city” under tey rakhi dishey kuntu toh Kohima aru Dimapur asey.
Add Comment