Miami, 7 February : Talent genetics para ahi thake naki, itu opor digha din pora debet hoise. Bishi manu lage ki genetics dangor role kore, kintu right environment aru hard work bhi dangor role asey. Hoilebi genetics to bhal para kaam kori dise Lionel Messi laga dangor chokra Thiago te, jun 12 saal laga ase. Tai Inter Miami laga academy setup te ase, aru tai laga baba MLS laga senior team te khelibo laga ase.
Thiago recently U-13 MLS Cup te khelise aru tai laga performance sob manu laga nazar te dhorise, tai laga team Atlanta United ke 12-0 pora haraishe. Thiago 12 minute pora first goal mark kori shuru korise aru half-time te pichhe taka 4 goal aru marise. Second-half te tai laga goal total itu match te 11 ponchaishe.
Tai laga baba juntu Messi ase, olop tai nisina hi no. 11 jersey porhe aru khelibo laga ase. Thiago 2012 November 2 tarik te jonmise. Tai laga duita bhai aru ase. Tai laga baba Lionel Messi aru ma Antonela Roccuzzo laga relationship 2009 te public te first time confirm korise.
India laga fans khan bhi Messi ke is saal te dekhibo pabo ase, itu bhi bhal news ase. Kerala laga sports minister V Abdurahiman ekta event te Kozhikode te announce korise ki, “October 25 pora November 2 tak Messi Kerala te thakibo. Friendly match te kheli jabole ase aru twenty minutes public laga samne speech dibo.” Messi itu pora age ekta international friendly khelibo India te ahise. Tai aji MLS te khelibo laga ase aru tai laga career laga khatam phase enjoy kori ase. Messi laga pass already 8 Ballon d’Ors aru FIFA Best Khiladi 8 bar paise. Tai professional football laga most decorated khiladi ase, tai 45 team trophies jitise juntu te 12 Big Five league trophies, 4 Champions League, 2 Copa Americas aru 1 World Cup ase.
2022 FIFA World Cup te Qatar te Argentina ke tai lead kori France ke penalty pora haraishe aru championship jitise. Tai 2026 te bhi Argentina ke lead koribo laga ase aru tai laga retirement itu time pichhe announce koribo buli predict kora ase.
Add Comment