Sports

LeBron James Headlines 2025 NBA All-Star Teams Announce kurishey

February 7, 2025
5 Views

Los Angeles, 7 February : January 23 tarik te NBA All-Star laga 10 starters announce kora hoise, aru February 1 tarik te 14 reserves reveal kora hoise. Itu 24 players sob milaikena February 16 tarik te San Francisco te khelibo laga games nimite eight-player teams te draft kora hoise. TNT analysts aru basketball legends Shaquille O’Neal, Charles Barkley aru Kenny Smith teams draft korise Friday din.

Rising Stars Game, jun All-Star Game laga Friday te hobo, similar format te thakibo. Itu te best rookies, sophomores aru G-League players milaikena charita team banai khelibo aru winner Sunday laga All-Star Game te choutha team hobo.

Rising Stars teams ke former Warriors legends Tim Hardaway Sr., Chris Mullin, Mitch Richmond aru Jeremy Lin coach koribo. Warriors players Trayce Jackson-Davis aru Pat Spencer Rising Stars event te compete koribo.

Games fast hobo: match 40 points tak khelibo aru jun age itu total punchai jabo, tai jiti jabole. Semifinal laga duita winner All-Star final te face koribo, aru itu game bhi 40 points tak thakibo.

Rising Stars event winner — juntu February 14 tarik te hobo aru charita team milaikena first- aru second-year players pora banai khelibo — All-Star Game te fourth team hobo. Itu team ke Team Candace buli call koribo, Candace Parker laga naam te.

NBA Commissioner Adam Silver All-Star event ke competitive banabo nimite bhal format introduce korise, karon pichla saal Indianapolis te khela game te teams milaikena 397 points score korise (211-186 final score thakise). Itu te 94% shots either paint te naki 3-point line te thakise.

Cleveland Cavaliers laga Kenny Atkinson ekta All-Star team coach koribo, aru Oklahoma City Thunder laga Mark Daigneault dusra team ke coach koribo. Donor assistant coaches ek-ek team direction te rakhibo.

Cleveland aru Oklahoma City laga staffs itu game nimite select hoise karon Eastern aru Western Conferences te itu teams laga best records ase.

All-Star Game nimite $1.8 million prize pool ase. Champion team laga sob players ke $125,000 dia hobole ase, runner-up team laga players ke $50,000 aru semifinal te eliminate kora teams laga sob players ke $25,000 dia hobo.