NSCN/GPRN (R) Laga President Para NNPG Opor Tey Kotha Kurishey

February 08, 2025, 05:57 PM: Working Committee, Naga National Political Groups (NNPG) para toh hoiley ekta press conference loishey, February 8 tey, Dimapur laga Hotel Saramati tey para. Media ke address kuria homoi tey, Working Committee, NNPG para koishey ki, tatey toh hoiley khali eka NNPG hey asey. Ato Kilonser & Working Convener W/C, NNPG, Col. (Retd) Isak Sumi para koishey, tatey toh hoiley bishi nijey para banawa laga political group khan thaki kena asey, bishi external forces khan thaki kena, strong opposition logotey kaam kuri kena, hoilebi moi khan logotey moi khan laga goal khan opor tey clarity asey nanai itu hey sobse important asey. Naga manu khan toh hoiley chiniboley pariboley lagi asey, kun khan hey hosa para kaam kuri asey aru kun khan toh nakuri kena asey.