Nagaland • Peren

Peren Town Laga NH 129A Package, Facilitation Meeting Loishey

February 12, 2025

February 12, 2025, 04:00 PM: Itu National Highway 129A Package-1 Peren Town portion laga facilitation meeting loishey, kuntu toh hoiley Town Hall tey para Peren laga, 11th February, 2025 tey. Deputy Chief Minister aru Planning & Transformation aru National Highways, Government of Nagaland nimitey Minister in-charge – T. R. Zeliang para itu facilitation meeting loishey, tatey honoured guest hisap thaki kena.

Deputy Chief Minister, T. R. Zeliang para bhal raasta laga importance opor tey kotha kurishey aru itu public khan ke itu District Administration logotey co-operate kuriboley encourage kurishey aru itu damage compensation settle kuriboley karney, para tak juldi para. Zeliang para itu bhi inform kurishey ki, itu Technical Evaluation toh hoiley process tey asey, NHIDCL Headquarter tey, aru charta firm khan para itu bidding tey participate kuri kena asey aru koishey ki, itu 18 muhina tey complete kuriboley laga homoi di kena asey itu appoint kuri kena thaka date para. 

Itu project laga successful para implement kurishey koiely itu Peren town laga face toh budli kuri dibo.

Deputy Commissioner, Peren, Hiazu Meru, NCS para koishey, itu bhal raasta toh hoiley development aru progress promote kuriboley asey, itu region tey. 

Tai para itu Peren town laga public leader khan ke encourage kurishey, regular aru thik homoi laga meeting loboley karney, tai khan laga support diboley karney, itu kaam laga development laga process tey aru itu kaam kuria manu khan ke assist kuriboley.

Itu meeting tey, khata speech khan toh hoiley, Peren Town Youth Organization laga President – Machi Reunim para deliver kurishey, itu affect hoi kena thaka malik khan laga behalf tey – Hairiesong Siang, Liamchu Hega, Peren Village Council laga Chairman- Gaigwang Hegeu, Convenor (JAC) Pelingrangle, Peren Town Women Welfare Organisation laga President aru Peren Town Council laga Chairperson – Mireulung Sephe. 

Deputy General Manager (Projects) NHIDCL, PMU-Dimapur, Anand Kumar para Peren Town Portion laga NH 129A Package-1 laga project highlight kurishey, state kuri kena ki, 129A Peren para Dimapur Section shuru hoishey, Dzukou River Steel Bridge (Manipur) border para 7th Mile Chumukedima tak laga, tatey pura puri 81 Km lamba durr asey, choita package khan tey alag alag thaki kena. Tai para state kurishey ki, itu National Highway 129A toh hoiley, ekta alternate raasta hisap thakiboley asey, Manipur phaney jabo aru ahiboley, Nagaland logotey connect kuri kena. Anand Kumar para highlight kurishey ki, itu Peren Town Portion laga 129A Package laga Project Cost laga daam toh hoiley – Rs. 106.32 crore.