New Delhi, January 12: Indian-American musician Chandrika Tandon para tailaga album Triveni nimitey Best New Age, Ambient or Chant Album nimitey Grammy award jitikina billion opor manu ke garv koraidisey.
Chandika para ekta interview te koisey ki taikey Indian filmmakers khan para ekta film te kaam kuribole nimitey already mati asey.
Chandrika para enaka koisey, “Etu interesting asey ki juwa duidin te, ami kunba laga film te kaam kuribole nimitey duita invitation paisey. Ami najaney etu para ki bahar olabo. Etu khan tu Indian film khan asey. Ami najaney etu khan Bollywood asey na nohoi.”
Tai Grammy jita laga homoi ke yaad kurikina, etu 70 years laga Grammy award winner para enaka koisey, “Kiman nomination announce kurisey, etu sob nimitey dangor cheer thakisey. Jitya taikhan para winner announce kurisey, ek pal karney ami etu ke almost huna nai!”
Jur cheers aro badhai diya laga message aha para taikey emotional kuridisey aro tailaga mon chuidisey.” Chandrika para enaka koisey, “Etu bisi bhal asey ki amikhan para stage te jaikina etu moment ke celebrate kora tu hoilebi etu pura moment ke ki para special kurisey koiley ami najana manu khan aro eku taikhan laga morom express kora laga alava ami laga etu award jitiya para eku faida napabole thaka manu khan para morom, support aro badhai diya tu asey.” Enaka bi koisey, “Taikhan para amikey kinakurikina bi alag alag media para paisey aro amilaga mon chuidiya kotha kuntu amilaga mon te thakiasey etu toh alag alag manu para ‘Billion heart aro mind apni logotey asey’ koikina likha kotha tu thakisey. Ami para eman bisi morom expect koranai.”
Tai para kosiey ki Asha Bhosale aro composer-singer RD Burman para taikey bisi influence kurisey.
Chandrika tu Chennai te jonom hoisey. Tai tu ekta musical environment te dangor hoisey. Tailaama Shantha Krishnamurthy bi ekta musician thakisey.
Add Comment