ADC, Aghunato, D. Robin para 13th February 2025 te Aghunato Sub-division under te sob Head of Offices laga ekta co-ordination meeting rakhisey. Etu meeting tu Zunheboto, Aghunato te thaka ADC laga office chamber te kurisey.
D. Robin, ADC Aghunato kun para etu meeting lead kurithakisey tai para Aghunato Sub-division laga subidha aro etu jaga laga manu khan laga subidha nimitey bisi alag alag mamla uthaisey. Aghunato town aro Sub-division laga bari te jaruri mamla te discuss kuribole nimitey etu meeting kurisiley, kuntu ke Police, Aghunato Town Council laga Chairperson aro etu laga councilors, Dobashi (DB) khan, Gaobura(GB) khan, civil societies organizations aro church leaders khan para attend kurisey.
Etu meeting te jaruri topic jaiseki Government school khan te teacher laga kami thaka, safa-safi, drug laga problem aro dusra important mamla discuss kurisey. ADC para agey barikina etu busti laga zimidari bukhikina thaka manu ke etu area laga manu khan laga bhalayi aro improvement nimitey full support barabole aro milikina kaam kuribole matisey.
Add Comment