New Delhi, January 14: YouTuber Elvish Yadav ke tai para Bigg Boss 18 laga contestant Chum Darang laga khilaf te insult kora laga kotha kuwa nimitey taikey National Commission for Women (NCW) para sawal kuribole matisey. NCW para Elvish Yadav ke ekta podcast te Chum laga jaati aro naam laga majak ura nimitey taikhan laga ageyte pesh hobole matisey. Etu You Tuber laga kotha, kuntu toh racist thakisey, etu para bisi manu khan ke gussa uthaidisey. Aro Arunachal Pradesh State Commission for Women (APSCW) aro bisi organization khan para tailaga comments ke condemn kurisey.
Tailaga podcast te, Elvish para Chum laga naam aro looks laga majak uraikina, Gangubai Kathiawadi film te taikey luwa laga opor te sawal uthaisey. Tai para enaka koisey, “Karanveer ke pakka COVID hoikina thakisey kilemaney Chum kunke posond hobo bhai, kunlaga taste eman biya thakey! Aro Chum laga toh naam taak bi ashleel asey. Tailaga etu comments ke social media te bisi criticize kurisey. Bisi manu para taikey racist(kunba laga jatti/looks laga majak ura) aro biya koisey.
APSCW para Elvish laga etu kotha ke kara para condemn kurikina koisey ki etu toh khali Chum ekla nohoikina Northeast India laga maiki khan ke insult kora asey. Etu commission para authorities khan ke Elvish laga khilaf te enaka biya comments mara nimitey strict action lobole demand kurikina National Commission for Women ke action lobole request kurisey.
Chum Darang para bi social media te ekta message post kurikina jawab disey, kotey tai para koisey ki kunba laga pehchan aro achievement ke disrespect kora tu ekdam bhal nai. Tai para koisey ki tailaga naam aro Gangubai Kathiawadi te tailaga role laga mazak ura tu mazak aro ghing lagiya laga majotey thaka line par kuridisey.
Add Comment