New Delhi, February 14: YouTuber Ranveer Allahbadia, kunke popularly “BeerBiceps” koikina jana jai, tai para etya delete kurikina thaka YouTube reality show, India’s Got Latent te gusa uthaidiya laga kotha kuwa nimitey tailaga khila te file kora bisi FIR khan para relief bisarikina Supreme Court ke approach kurisey. Etu FIR khan tu desh laga alag alag state te file hoisey aro etu nimitey Allahbadia para etu case khan ke ekta banaidibole request kurisey.
Tailaga petition te, Allahbadia kunke lawyer Abhinav Chandrachud para represent kuriasey, tai para anticipatory bail bi mangisey, Guwahati police para arrest kuribole laga bhoi para. Guwahati police para tai aro etu show te shamil thaka dusra manu khan ke already huda-hudi kuribole matisey. Etu jhamila tu Allahbadia, ekta popular content creator para comediam Samay Raina para host kora India’s Got Latent show te enaka kotha kuwa picheyte olaisey kuntu para bisi manu ke gusa uthaidisey aro tailaga khilaf te complaint khan file hoisey.
Proceedings chuli thaka homoitey, Chief Justice of India Sanjiv Khanna, kunke etu petition laga bari te janaisey, tai para Allahbadia laga legal team ke koisey ki etu case ke hearing nimitey joldi list kuribo. Etu petitioners khan para ekta urgent hearing nimitey request kurisiley, hoilebi Justice Khanna para koisey ki etu mamla nimitey already ekta date dikina asey aro kiman diri chulibole asey etu laga details janibole nimitey court registry logotey jabole koisey.
Add Comment