Mumbai, 15 February : Bollywood star Vicky Kaushal abar bhi laga acting skills karone spotlight te ahise. Tai laga new film Chhaava theatre te release hoi kena box office te dangor success pai ase. Itu film te, Vicky Chhatrapati Shivaji Maharaj laga beta, Sambhaji Maharaj laga role te ase, aru tai laga performance audiences aru critics dukhute bishi pasand kuri ase. Laxman Utekar laga direction te banwa itu film opening day te bishi taka earn kuri kena 2025 laga dangor hit bano hoi ase.
Chhaava ekta bishi eagerly awaited film thakise, aru release hoi kena box office pura capture kuri lobi ase. Critics aru audiences dukhute itu film ke bishi bhal review dise, aru social media te Vicky Kaushal laga acting karone full appreciation chuli ase. Opening day te film Rs 31 crore earn kuri kena 2025 laga highest-grossing film majote ekta bano hoi ase. 32.51% occupancy rate thaka karone, Chhaava first day te Sky Force aru Badass Ravi Kumar tu bhi outperform kuri dise.
Iti nishna record-breaking performance te, Vicky Kaushal laga sobse bishi opening collection bhi itu film te hoi ase. Tai laga previous highest opening Bad News thakise juntu Rs 8.62 crore earn kuri thakise, aru Uri: The Surgical Strike Rs 8.20 crore earn kuri thakise. Kintu Chhaava Rs 31 crore laga opening day collection kuri kena Vicky laga career te sobse bishi successful film hoi jabole ase.
Itu film laga success Vicky Kaushal laga popularity aro dangor hoise dikhai, aru itu film upcoming weeks te bhi box office dominate kuribo laga nisina ase. Vicky Kaushal, Rashmika Mandanna, aru Akshay Khanna laga strong performances karone Chhaava 2025 laga ekta dangor blockbuster hobo nishna dikhai ase.
Add Comment