Hamas, 16 February 2025: Hamas khan aro alak tinta Israeli hostages ke chari dishey exchange te hundreds Palestinians prisoners karne ekta week pichideh te kute fragile ceasefire deal toh dhamki under te ahishey. American-Israeli Sagui Dekei-Chen, 36 saal, Agrentinian-Israeli yair Horn, 46 saal aro Russian-Israeli Alexander Troufanov, 29 saal, taikhan ke chari dishey 369 Palestinians laka exchange te kun khan ke Israeli jails te rakhi shey. Echa tak 19 hostages aro 1,000 opor Palestinians prisoners khan ke chari dishey ceasefire deal laka first phase te kun toh 19 January te shuru hoishey. Swap toh hoishey olop din par hoi kina kute Hamas pra koishey taikhan hostages ke chara dia toh rukhabo, Israel khan ke accuse kuri shey deal laka term toh violate kura nimite- allegation kuntoh Israel pra deny kuri shey.
Israel, US president Donald Trump pra backed kura, taikhan pra koishey “intense” Jakara toh aro shuru hubo eni hostages khan ke nachari leh. Hamas khan olop deri hoi kina koishey taikhan committed ase ceasefire te, aro Israeli khan responsible ase kila complications aro delays karne toh. Hoileh b Saturday din te sixth swap toh jaishey, tadeh hostages khan ke di dishey Red Cross kam kura manu khan ke ekta highly-choreographed public show te Khan Younis te, southern Gaza strip te. First six-week stage under te ceasefire deal laka, 33 hostages aro 1,900 prisoners khan ke charibo leh laka ase.
Etu tinta manu ke airlift kuri shey military helicopters khan pra hospital te central Israel te, kute taikhan medical test kuri shey aro relatives lokot mili jaishey. Yair Horn aro taila brother Eitan, 37 saal ke abduct kuri shey kibbutz pra 7 October 2023 laka hamla te Hamas khan pra. Eitan toh echa b captivity te ase Gaza te. Picture te dikhi shey Yair Horn taila ama aro taila brother Amos ke hug kuri thaka hospital te, aro tai message te likhi shey, Eitan, tui next ase.
Add Comment