Mumbai, February 18: Bollywood star Salman Khan aro Sanjay Dutt tu Hollywood te taikhan laga skills Hollywood te loijai asey. Reports hisap te, taikhan duijun tu etya ekta high-profile international film te kaam kuribole asey.
Akhirkar, taikhan duijun ke screen te eksath dikhibole asey aro audience khan laga dhyan tanibole asey. Taikhan ke Chal Mera Bhai (2000) aro Saajan(1991) aro Yeh Hai Jalwa (2002) film te eksath dikhisiley aro ek-dusra laga film te bi ekbar karney dikhithakisey.
Salman Khan aro Sanjay Dutt tu taikhan laga cameos(ekta film te olop homoi nimitey aha) shoot kuribole Saudi Arabia te jaisey. Aro reports ola tu hosa thakisey koiley taikhan duijun tu ety shooting February 17 para 19 taak kuri asey, Saudi Arabia laga A1Ula Studios te. Etu studio tu etu international film laga main setting(film shoot kora jaga) hobole asey.
Etu report para agey barikina koisey, “Salman aro Sanjay tu khali Bollywod ekla nohoikina Middle East te bi bisi mashoor asey. Etu international film te taikhan duijun laga scene tu specially ekta impact dhalibole aro duniya laga audience(film sa manu) laga attention pabole laga hisap te banaisey. Taikhan duijun laga shoot tu 3din taak chulibo. Salman laga team tu Riyadh te Sunday morning te pungchisey.
Salman tu nutun film Sikander, Tiger vs. Pathaan, Kick 2 aro filmmaker Atlee logotey ekta etya tak naam nidikina thaka film kuribole asey. Sanjay Dutt ke bi Baaghi 4 te Tiger Shroff logotey dikhibole asey, kuntu toh September 5, 2025 te release hobole asey.
Add Comment