Beti Bachao Beti Padhao Opor Tey Seminar Loishey, Niuland District Tey

February 18, 2025, 06:49 PM: Beti Bachao Beti Padhao opor tey ekta seminar conduct kurishey, Government High School Nito tey, Niuland District under tey, 18^th February, 2025 tey, tatey 12^th NAP (IR) Battalion laga Assistant Commandant – Alovika Swu, NPS, resource person hisap thaki kena. Alovika Swu para cyber security, POCSO Act aru maiki aru bacha khan laga alag alag law khan opor tey kotha khan kurishey. Pichetey, Swu para ekta interaction kurishey, student khan logotey. EAC Niuland – Kelengunuo Solo para itu student khan ke itu district tey Mission Shakt implement kuriboley laga opor tey khata para koishey.